《狂紋身的女孩》「邊個未肉酸過?」 由心口蝴蝶到全身廿幾個

《狂紋身的女孩》「邊個未肉酸過?」 由心口蝴蝶到全身廿幾個 from youtube by Nextplus 壹週Plus
featured video : 由「晝夜思想」到「律法主義」- 劉灝明牧師
featured video : 17歲馬尾女孩萌樣蝴蝶球
Aka,25歲,OL,兼職Model,愛紋身,曾被男友、家人、陌生人覺得是壞女孩,但她堅持我行我素,拒絕妥協。

「好多人話紋身會上癮,我起碼有廿個紋身:蝴蝶仙子、啤牌四款花、小矮人……對我嚟講,紋身就好似有人每朝飲杯奶咁,慣咗手勢。」

「我係一個性格衝動、想做就去做嘅人。我十幾歲讀中學時,有個做紋身學徒嘅朋友話,多謝我幫佢追到心儀嘅女仔,想送個紋身俾我。嗰刻我乜都冇諗,當紋身係一份禮物,就係咁,我左邊胸口位多咗個蝴蝶仙子。但我認為唔係太靚,於是又去加啲花和公仔,愈加愈多。當時年少無知,冇諗過屋企人、男朋友、其他人點諗,覺得最多咪著衫遮住佢,冇乜咁大不了。」

「中七預科畢業後,我試過去連鎖品牌大公司見工,見識到咩叫以貌取人。有一次僱主都未打開份履歷表,見到我身上有紋身,已經即刻叮走我。嗰份工唔使見客,只係負責聽電話,都唔可以有紋身。」

「廿歲嗰年,我去見一份私人助理文職工作。當時公司得我一個員工,我問老闆有紋身得唔得,老細話唔使出去見客,唔影響表現就得。試用期後,我仲將頭髮染白色、紋身紋到落手,他都冇反對。而家公司有十多人,我做咗老細近身,月入有三萬蚊。」

撰文:黎雅婷
攝影:葉漢華
攝錄:胡智堅

壹週Plus : http://hk.next.nextmedia.com
即 like 壹週Plus fb : http://www.facebook.com/nextmagazinefansclub