《我係裝修佬》三行黎明 留學英國讀大學

《我係裝修佬》三行黎明 留學英國讀大學 from youtube by Nextplus 壹週Plus
featured video : 台中教育大學-聚心MV(三)
featured video : 聲援反對黑箱服貿(英國里茲大學台灣留學生)
「我在英國畢業回來的,在白金漢大學,University of Buckingham,是修讀會計和經濟的。」佢叫Eric,係一個非一般裝修佬。除咗因為個樣似歌星黎明,有三行Leon花朵之外,佢仲浸過鹹水,喺英國讀過大學㗎。
「畢業後就做工廠,做一些管理的工作。其實是回內地(工作),是香港公司,在內地駐廠。」零五年時,Eric轉行做裝修,點解嘅?「機緣巧合,有個世伯,手上有一批(裝修)合約,想找人幫手,這樣便跟了他入行。主要是接房協的政府工程,做一些打拆和維修,損毀石屎的維修工程等。」

留學英國做裝修,會唔會好徙呀?「其實都不會的,因為人生有很多方面,不只是書本上的知識,其實接觸多些層面,是可以豐富生活的。」豐富生活?即係要多啲錢啦,「其實是有這樣期望過,可能想看看其他環境,會令收入有改進。收入可以的,當然會有旺淡季,季節性(因素),但整體來說是可以的。」

可以搵幾多呢?「試過以前做判頭時,一個月可以有二、三十萬。最差時,會是淡季的時候,可能是年頭年尾,也會試過零收入。」

裝修又分幾多個工種呢?「裝修工種,大致上分爲打拆,即事前清拆舊東西,清走垃圾,之後是水電,接駁水喉,電燈和電線。接著是泥水,就是拆牆在起另一道牆,或是造磁磚等。另外是油漆,是批灰和塗油。」

Eric又認為做泥水最辛苦,「最辛苦我覺得是泥水,一包英泥已45kg,一天可能消耗十多二十包,搬來搬去,我覺得他們是最辛苦的。」所以泥水最難請人,「泥水啦,可能比較粗重,以及十分污糟。」咁Eric呀,你最叻係邊樣呀?「最強,暫時可以說是油漆。」

講咗咁耐,你介唔介意人哋叫你做裝修佬先?「沒什麼問題,某程度上我覺得是一種尊重來的,始終都是一門專業。」

撰文:程志康
攝影:金文

壹週Plus : http://hk.next.nextmedia.com
即 like 壹週Plus fb : http://www.facebook.com/nextmagazinefansclub